(करमाळा_चौफेर शंभू फरतडे ✍️)
केम (प्रतिनिधी) करमाळा-माढा विधानसभा मतदारसंघातील केम जवळील बादलेवाडीचा सुपुत्र हर्षवर्धन अरुण वाघमोडे याने CBSE दहावी परीक्षेत 98.20 टक्के गुण मिळवत नवोदय विद्यालय, ठाणे-पालघर मधून पहिला क्रमांक पटकावला आहे. त्याच्या या घवघवीत यशामुळे पंचक्रोशीतून शुभेच्छांचा वर्षाव होत आहे.
हर्षवर्धनने जिद्द, चिकाटी आणि कठोर मेहनतीच्या जोरावर हे यश संपादित केले. त्याला विहाळ येथील आजोबा व पाटबंधारे खात्यातील माजी अधिकारी कारभारी बंडगर यांचे मोलाचे मार्गदर्शन लाभले. नवोदय सारख्या नामांकित शाळेतून 98.20%गुण घेणे म्हणजे मोठे यश आहे.
ग्रामीण भागातील, बादलेवाडीसारख्या छोट्या गावातील विद्यार्थ्याने CBSE बोर्डात टॉप करणं ही अभिमानाची असून हर्षवर्धनच्या यशाने नवोदय विद्यालयात प्रवेश घेऊ इच्छिणाऱ्या विद्यार्थ्यांना नवी ऊर्जा मिळाली आहे
करमाळा व माढा तालुक्यातील अनेक मान्यवरांकडून हर्षवर्धन याचे अभिनंदन करण्यात येत आहे.
