loader
Breaking News
Breaking News
Foto

आदिनाथच्या उमेदवारीचा व चेअरमन व्हा चेअरमन पदाचा शब्द देऊन जिल्हापरिषद पंचायत समिती निवणुक पार पाडण्याचा आमदार शिंदे यांचा डाव- पाटील गटाने पुन्हा शिंदे यांच्यावर साधला निशाणा

शंभुराजे फरतडे ✍ (चौफेर प्रतिनीधी)
2022-02-16 00:00:00
राजकारण

आमदार संजयमामा शिंदे व राष्ट्रवादीचे अध्यक्ष शरद पवार यांच्या दिल्ली भेटीवरुन वेगवेगळे तर्कवितर्क लढवले जात असताना आज पाटील गटाकडून पुन्हा एखदा या भेटीवरुन आमदार संजयमामा शिंदे यांच्यावर पाटील गटाचे प्रवक्ते सुनील तळेकर यांनी निशाणा साधला आहे. आमदार शिंदे यांचे आदिनाथ वरील प्रेम म्हणजे पुतणा मावशीचा पान्हा असल्याचे सांगत आदिनाथच्या उमेदवारीचा व चेअरमन व्हा चेअरमन पदाचा शब्द देऊन जिल्हापरिषद पंचायत समिती निवणुक पार पाडण्याचा आमदार शिंदे यांचा डाव असल्याचा हल्लाबोल तळेकर यांनी केला आहे. तळेकर यांनी म्हटले आहे की शिंदे गटात फुट पडू नये म्हणूनच आदिनाथ कारखान्याचे गाजर दाखवण्याचा आमदार संजयमामा शिंदे यांचा डाव असून .या भेटीचे कारण हे केवळ राजकारणच आहे असा आरोप करत आ. शिंदे गटास घेरण्याचा प्रयत्न प्रवक्ते सुनील तळेकर यांनी केला.

http://karmalachaufer.com//assets/images/2020/add/2020/IMG-20200818-WA0210.jpg

हि भेट केवळ विकासकामांसाठीच होती असे आमदार संजयमामा शिंदे ठामपणे सांगत असले तरी आज माजी आमदार नारायण पाटील गटाकडून याबाबत सविस्तर बोलताना आ. संजयमामा शिंदे यांची 'कही पे निगाना कही पे निशाना' अशी भुमिका असुन आगामी जिल्हा परिषदेच्या व पंचायत समितीच्या निवडणूकीत आमदार शिंदे गट व सहकारी गट एकसंघ रहावेत म्हणून त्यांनी आदिनाथ कारखान्याचा विषय स्वतः हुन प्रकाशात आणला आहे असे म्हणत, गेली दोन वर्षे आदिनाथ बद्दल ब्र शब्दही न काढणारे आ संजयमामा शिंदे आज आदिनाथ बद्दल एवढी आस्था का दाखवत आहे हे न कळण्याइतपत करमाळा तालुक्यातील जनता खुळी नाही असे म्हटले आहे.

शंभुराजे फरतडे ✍ (चौफेर प्रतिनीधी)

आमदार संजयमामा शिंदे यांना आगामी निवडणुकांमध्ये आपला पराभव होणार आहे याची धास्ती आतापासूनच वाटायला लागली आहे. मुळ आ शिंदे गटात बहुतांश नेतेमंडळी हि सहकार क्षेत्रातील असुन अनेक वर्षे पराभूत होत आलेली अशीच आहेत. आगामी जिल्हा परिषदेच्या व पंचायत समितीच्या निवडणुकीत हि मंडळी निवडून येऊ शकत नाहीत. याशिवाय करमाळा तालुक्यातील सत्तेतील वाटा दिल्याशिवाय सहकारी गट सुध्दा भविष्यात आपल्या जवळ राहणार नाहीत हे स्पष्ट झाल्याने आता आदिनाथ कारखान्याचा विषय ऐरणीवर आणून आगामी काळात आदिनाथ कारखान्यावर आपली सत्ता येईल असे सांगून आतापासूनच आदिनाथच्या उमेदवारीचा व वेळ पडलीच तर चेअरमन आणि व्हाईस चेअरमन पदाचा शब्द अनेकांना देऊन जि प तसेच पं स निवडणूक पार पाडायची असा आमदार संजयमामा शिंदे यांचा डाव आहे. यामुळेच त्यांनी आतापासुन आदिनाथ निवडणुकीचे चित्र रंगविण्यास हाती घेतले आहे. आदिनाथ सहकारी साखर कारखाना पुर्ण क्षमतेने चालवला गेला तर याचा फटका आ शिंदे यांच्या श्री कमलाई कारखान्यास बसणार हे निश्चित असल्याने आमदार संजयमामा शिंदे यांचे आदिनाथ बद्दलचे प्रेम म्हणजे पुतणामावशीचा पान्हा असेच आहे.

http://karmalachaufer.com//assets/images/2020/add/2020/BM-400x270.jpg

करमाळा चौफेर

माजी आमदार नारायण पाटील यांची आदिनाथ कारखान्याबद्दलची भुमिका स्पष्ट आहे. आदिनाथ कारखाना सुरु व्हावा आणि कामगारांना त्यांच्या थकलेल्या पगारी मिळून भविष्यात नियमीत पगार मिळावा. करमाळा तालुक्यातील शेतकऱ्यांच्या ऊसाची गाळपाची हक्काची सोय निर्माण व्हावी आणि राज्यातील इतर कारखान्या इतका किंबहुना जादा ऊसदर मिळावा अशी अपेक्षा जर कोणी पुर्ण करत असेल तर पाटील गटाकडून या कृतीचे समर्थन असेल.स्व कर्मयोगी गोविंदबापु पाटील यांच्या त्यागातुन व कष्टातून आदिनाथ कारखान्याची स्थापना व उभारणी झाली आहे. यामुळे आदिनाथ कारखाना चालू होण्याबाबत माजी आमदार नारायण पाटील यांचेही प्रयत्न सुरु आहेत. यामुळे आदिनाथला आता कोणीच वाली नाही असेही कोणी समजू नये, असे तळेकर यांनी ठामपणे सांगितले.

tags : राजकारण
foto
Author: करमाळा चौफेर
शंभुराजे फरतडे ✍ (चौफेर प्रतिनीधी)
राजकारण
2022-02-16 00:00:00

करमाळा चौफेर | दबलेल्या व दाबलेल्या आवाजाला मोकळी वाट करून देणारे वृत्तपत्र

Previous Next

3 Comments

leave a reply

Recent Posts