loader
Breaking News
Breaking News
Foto

आमचे भांडण जगताप गट, सावंत गट व देवी गट यांचेबरोबर कधीच नव्हते ,मात्र मुळ शिंदे गटाच्या कार्यकर्त्यांस सत्तेची पायरी चढु देणार नाही - सुनिल तळेकर

शंभुराजे फरतडे ✍ (चौफेर प्रतिनीधी)
2022-02-10 00:00:00
राजकारण

करमाळा तालुक्यातील सत्तेत केवळ दोनच पदाधिकारी पदावर असताना आमदार संजय शिंदे गटास सत्तेचा एवढा माज का असावा असा सवाल करत आगामी निवडणुकांमध्येही मुळ आ. शिंदे गटाचा एकही कार्यकर्ता तालूका पातळीवर जनता निवडून येऊ देणार नाही व जनताच आमदार शिंदे गटाचा माज उतरवेल असा हल्लाबोल आज माजी आमदार नारायण पाटील गटाचे प्रवक्ते सुनिल तळेकर यांनी केला आहे .

http://karmalachaufer.com//assets/images/2020/add/2020/IMG-20200818-WA0210.jpg

काल आ. शिंदे गटाकडून प्रवक्ते तळेकर यांना अगोदर ग्रामपंचायतीच्या निवडणुकीत निवडून यावे अशी टिका केली होती. त्यास आज तळेकर यांनी उत्तर देताना परत एकदा थेट मुळ आ. शिंदे गटाचे वाभाडे काढले.याबाबत सविस्तर बोलताना सूनील तळेकर म्हणाले की आमदार शिंदे गटास आज करमाळा तालुक्यातील राजकारणात जवळपास सात वर्षे झाली. परंतू स्वतः आमदार संजयमामा शिंदे व बाजार समितीचे विद्यमान सदस्य चंद्रकांत सरडे हे दोघेच पदावर कार्यरत आहेत. करमाळा तालुक्यातील पंचायत समिती, जिल्हा परिषद, कृषी उत्पन्न बाजार समिती, श्री आदिनाथ व श्री मकाई सहकारी साखर कारखाना, जिल्हा दुध संघ, सोलापुर जिल्हा सहकारी बँक, करमाळा नगरपालिका आदि महत्त्वाची सत्तास्थाने विचारात घेता एकुण 100 च्या आसपास पदाधिकारी असतील. यातील आमदार म्हणून संजयमामा शिंदे व कृषी उत्पन्न बाजार समिती संचालक म्हणून युवानेते चंद्रकांत सरडे हे दोघेच सत्तेत सहभागी आहेत. उर्वरीत बहुतांश पदाधिकारी हे माजी आमदार नारायण पाटील गट, स्व.दिगंबर बागल गट जगताप गट, सावंत गट तसेच देवी गट व मोहिते-पाटील गट यातील दिसुन येतात.

शंभुराजे फरतडे ✍ (चौफेर प्रतिनीधी)

आज मुळ आ.शिंदे गटात लोकांनी नाकारलेल्या माजी पदाधिकाऱ्यांचा भरणा असून यांची राजकीय दुकानदारी पाठीमागील काळातच बंद झाल्याने अनेकांनी आ. शिंदे गटात प्रवेश केला.आजमितीस आ. शिंदे गट जर आमदार या पदावर असेल तर तो माढा तालुक्यातील 36 गावे व मा. आमदार जयवंतराव जगताप गट, स्व. सुभाष (अण्णा) सावंत गट, स्व. गिरीधरदास देवी गट यांनी दिलेल्या भक्कम पाठींब्यामुळेच आहे. मुळ शिंदे गटाचे नाममात्र दोनघ पदाधिकारी आहेत.यातही चंद्रकांत सरडे हे स्वतः च्या लोकप्रियतेमुळे व राजकीय कौशल्यामुळे जवळपास स्वबळावर निवडून आले आहेत. यामुळे आता शिंदे गटाने माझ्या पदाची काळजी करण्यापेक्षा आगामी निवडणुकीत आपले अस्तित्व सिद्ध करावे. माझ्या कुटूंबास जेऊर पंचायत समिती गणातून माजी आमदार नारायण पाटील यांच्या नेतृत्वाखाली एकदा संधी देण्यात आली व विक्रमी मतांनी विजयी झालो होतो. आता 2024 ला परत एकदा नारायण (आबा) पाटील यांना आमदार म्हणून निवडून आणणे हेच हजारों कार्यकर्त्यां प्रमाणे माझेही ध्येय आहे.

http://karmalachaufer.com//assets/images/2020/add/2020/BM-400x270.jpg

करमाळा चौफेर

माजी आमदार नारायण पाटील यांच्या नेतृत्वाखाली पाटील गट करमाळा तालूक्यात आजही आघाडीवर असुन आगामी जिल्हा परिषद व पंचायत समितीच्या निवडणुकीत सुध्दा आपली विजयी परंपरा कायम राखणार. परंतू मुळ आ. शिंदे गटातील एकाही कार्यकर्त्यांस सत्तेची पायरी चढू देणार नाही अशी रणनिती आखुन आहे. वेळप्रसंगी काही जागांवर विशेष डावपेच आखले जाणार आहेत पण आ. शिंदे गटाच्या उमेदवारास विजयी मतांच्या अंकापासुन कोसो मैल दुर ठेवले जाईल, असे राजकीय संकेतही पाटील गटाचे प्रवक्ते सुनील तळेकर यांनी दिले. आमचे भांडण जगताप गट, सावंत गट व देवी गट यांचेबरोबर कधीच नव्हते व नसणार. परंतू मुळ शिंदे गटाने सत्तेचा माज दाखवू नये. सर्वच गोष्टी धनशक्तीच्या जीवावर मिळत नसतात. सन 2014 साली आमदार म्हणून नारायण (आबा) पाटील यांनी केवळ बागल गटाचा पराभव केला नव्हता तर तत्कालीन उमेदवार संजयमामा शिंदे यांचाही पराभव केला होता हे शिंदे गटाने कायम स्मरणात ठेवावे.जगताप गट, बागल गट व पाटील गट, मोहिते-पाटील गट तसेच देवी व सावंत गट यांचे राजकीय अस्तित्व अनेक वर्षांपासून टिकून आहे. करमाळा तालुक्यातील हे मतभेद कायमस्वरूपी नसतात. वाटीतील फार तर ताटात सांडावे इथपर्यंतचेच वाद असतात याचे भान आ. शिंदे गटाने ठेवावे व सत्तेचा फार माज दाखवू नये. आमदार संजयमामा शिंदे हे जिल्हा पातळीवरील राजकारणात जरुर सक्रिय आहेत परंतू ते जिल्ह्याचे नेते नाहीत.आजही जिल्ह्याचे नेते म्हणून देशभक्त स्व नामदेवराव जगताव व माजी उपमुख्यमंत्री विजयसिंह मोहिते पाटील यांचीच नावे जनतेच्या मनात घर करून आहेत. किंबहुना संजयमामा स्वतः या गोष्टीची जाणीव ठेऊन आहेत. परंतु आ. शिंदे गटातील काही कार्यकर्त्यांनी आमदार संजयमामा शिंदे यांची प्रतिमा हि फार मोठी आहे असे जनतेसमोर दाखविण्याचा जो उद्योग सुरु केला आहे तोच आ. शिंदे गटास सत्तेपासून दुर ठेवायला कारणीभुत ठरणार आहे. करमाळा तालुक्यातील नेतृत्वाबद्दल ठराविक मुद्दे वारंवार अधोरेखित करुन टिका करणे थांबवावी. अन्यथा आम्ही जर आमदार संजयमामा शिंदे यांच्या भुतकाळात शिरलो तर अनेक बाबी प्रकाशात आणु शकतो असा सुचक इशाराही पाटील गटाचे प्रवक्ते सुनील तळेकर यांनी दिला.

tags : राजकारण
foto
Author: करमाळा चौफेर
शंभुराजे फरतडे ✍ (चौफेर प्रतिनीधी)
राजकारण
2022-02-10 00:00:00

करमाळा चौफेर | दबलेल्या व दाबलेल्या आवाजाला मोकळी वाट करून देणारे वृत्तपत्र

Previous Next

3 Comments

leave a reply

Recent Posts