loader
Breaking News
Breaking News
Foto

ॲमेझॉन अथवा फ्लिपकार्ट वर आदिनाथ कारखान्याला ऑनलाईन विक्रीस काढले गेले तर नवल वाटायला नको - सुनिल तळेकर

शंभुराजे फरतडे ✍ (चौफेर प्रतिनीधी)
2021-09-23 00:00:00
कृषीविषयक

ॲमेझॉन अथवा फ्लिपकार्ट वर आदिनाथ कारखाना ऑनलाईन विक्रीस काढला गेला तर नवल वाटायला नको अशी खोचक टिका पाटील गटाचे प्रवक्ते सुनिल तळेकर यांनी सत्ताधाऱ्यांवर केली असुन आदिनाथ कारखान्याची सत्ता एकहाती पाटील गटाच्या हाती असती तर हि वेळ आली नसती असे देखील तळेकर यांनी म्हटले आहे.

http://karmalachaufer.com//assets/images/2020/add/2020/IMG-20200818-WA0210.jpg

दिनांक 30 सप्टेंबर रोजी आदिनाथ कारखान्याची वार्षिक सर्वसाधारण सभा असलेने याबाबत करमाळा चौफेरने माजी आमदार पाटील गटाची भुमिका जाणून घेण्याचा प्रयत्न केला या वेळी तळेकर बोलत होते, अधीक बोलताना तळेकर म्हणाले की,आदिनाथ कारखाना पुर्ण बहुमताने एक वेळेस माजी आमदार नारायण पाटील यांच्या हाती दिला असता तर आज कारखाना भाडेतत्त्वावर चालवण्यास देण्याची वेळ आली नसती , सन 2014 ते 2019 या कालावधीत माजी आमदार नारायण पाटील यांना जनतेने आमदार म्हणून काम करण्याची संधी दिली. पाच वर्षात भ्रष्टाचाराचा एकही ठपका मा .आ. नारायण पाटील यांच्यावर ठेवता आला नाही. शेकडो कोटींची विकासकामे मंजूर करुन ती पुर्ण करण्यासाठी पाटील यांनी अहोरात्र मेहनत घेतली.तालूक्यातील प्रशासन यंत्रणा गतीमान करुन सर्वसामान्यांना चांगली सेवा दिली. यामुळेच सभासद शेतकऱ्यांनी जर एक वेळेस पुर्ण बहूमत असलेले संचालक मंडळ नारायण पाटील यांच्या नेतृत्वाखाली निवडूण दिले असते तर आदिनाथ कारखान्याची चांगली अवस्था पहायला मिळाली असती. आजपर्यंत केवळ सत्तेतुन पैसा व पैशातून सत्ता हे समिकरण वापरत सत्ताधारी मंडळींनी ज्या त्या काळात आदिनाथवर कर्जाचा डोंगर उभा केला. कामगार व ऊस उत्पादक सभासद यांच्या हिताचा कधी विचारच केला नाही. त्यामुळे भौगोलिकदृष्ट्या व ऊस उत्पादनाचा विचार केल्यास महाराष्ट्रात सर्वाधिक चांगल्या जागी उभा असलेला आदिनाथ आज आधारहीन झाला आहे.

शंभुराजे फरतडे ✍ (चौफेर प्रतिनीधी)

कर्मयोगी गोविंदबापू पाटील यांच्या त्यागातून हा कारखाना उभारला गेला असल्याने याबद्दल सर्वात जास्त सहानभुती व आपुलकी माजी आमदार नारायण पाटील यांना जितकी वाटते तेवढी इतरांना वाटली नाही. यामुळे सहकाराचे हे मंदिर केवळ पैसा उकळण्याचे एक साधन बनले. आज आदिनाथ कोणीतरी भाडेतत्त्वावर चालवण्यास घेत आहे हाच मुळी करमाळा तालुक्यातील सर्व नेतेमंडळींचा पराभव आहे. वास्तविक पाहता अगदी प्रयत्न करुन जर आदिनाथच्या सर्व सभासदांच्या उपस्थितीमध्ये जर कारखाना कार्यस्थळावर वार्षिक सर्वसाधारण सभा झाली तर मात्र सभासदांचा खरा सुर समजला असता.ॲमेझॉनअथवा फ्लिपकार्ट वर आदिनाथ कारखान्याला ऑनलाईन विक्रीस काढले गेले तर नवल वाटायला नको, असा कारभार सत्ताधारी मंडळींकडून चाललेला आहे. आदिनाथ बाबत होणारी दिरंगाई व चालढकलपणा तालुक्यातील सहकार मोडीत काढणारा असून सभासदांच्या हक्क व मालकी अधिकारावर अतिक्रमण करणारा आहे. कोरोनाचा संसर्ग आता कमी झाला असून एखादी सर्वसाधारण सभा कारखानाकार्यस्थळी घेतली जावी व सभासदांना या सभेस हजर राहणे अनिवार्य करुन आदिनाथ कारखान्याबाबत सर्व निर्णयांचा वा ठरावांचा फेरविचार केला जावा. नक्कीच सभासद योग्य तो निर्णय घेतील असा दावा तळेकर यांनी व्यक्त केला.

http://karmalachaufer.com//assets/images/2020/add/2020/BM-400x270.jpg

करमाळा चौफेर

कामगारांच्या प्रश्नाबाबत पाटील गटाने गंभीरतेने घेतले होते का या बाबत विचारणा केली असता जेष्ठनेते दशरथ कांबळे यांनी आदिनाथच्या कामगारांना न्याय देण्यासाठी एक प्रभावी आंदोलन उभा केले व या आंदोलनात माजी आमदार नारायण पाटील व स्व कर्मयोगी गोविंदबापू पाटील यांना माणनारा कामगार सहभागी झाला होता. वेगळे आंदोलन उभा करण्यापेक्षा दशरथ कांबळे यांच्या नेतृत्वाखालील कामगार आंदोलनास सर्व कामगारांचा व कामगार कुटुंबाचा चांगला प्रतिसाद होता. या आंदोलनांची दखल साखर आयुक्त, कारखाना प्रशासन व संचालक मंडळांना घ्यावी लागली. पाटील गटाची भुमिका याहुन वेगळी नसल्याचे सुनील तळेकर यांनी स्पष्ट केले.

tags : कृषीविषयक
foto
Author: करमाळा चौफेर
शंभुराजे फरतडे ✍ (चौफेर प्रतिनीधी)
कृषीविषयक
2021-09-23 00:00:00

करमाळा चौफेर | दबलेल्या व दाबलेल्या आवाजाला मोकळी वाट करून देणारे वृत्तपत्र

Previous Next

3 Comments

leave a reply

Recent Posts